Saturday, August 05, 2006

ADDAAK IDI SADIAY

Addaak sadiay idi nagalikubong iti tapuk
Daradara, sisusugat, maysan a mannakigubat
A nakirinnamas iti dangadang ti tay-ak,
Sadiay, dagiti agbuybuya, ginayangdak
Kadagiti nagtagisima a balikas
A kabulon iti lais ken paggaak
Maagak kano ta apay 'toy bagik insebbak
Kas simotsimot iti apuy a napasag
Natdaak koma a para buya lattan
Iti tugawko nga agim-imas, siraragsak.

Addaak idi sadiay iti arena ti dangadang
Para buya idi , itan maysan a mannakigubat
Ta ti buya ti pannakairurumen, batibatennak,
Ti ikkis dagiti awanan-gaway, riribukennak,
Ti luada, maysa a bala a mangsalbag ‘toy kararuak
Ket inarmasak ti bagik iti pannakiraman.

Wen, addaak sadiay idi nagalikubong iti tapuk
Daradara, sisusugat ngem siraragsak:
Maysa a nagtagipuson a tao ti kaimudingak!

5 Comments:

Blogger rva said...

ita man pay, gayyem! nagpintas daytoy daniwen ti nakalagip a mannaniw kaniam!

8:21 PM  
Blogger abril said...

addaak latta dita pakarsoyo nga agis-istambay, gayyem, napia la a pangiliwliwag dagiti naipusing a kas kaniak; ngem pasensiaandak laengen no nabattaway ti ikukulding ti daniw...

5:58 AM  
Blogger ariel said...

anian, apo, makatawen a pinadpadaananmi ti daniwmo. nagsayaaten ta nakasublika manen.
napintas a daniw daytoy.

11:52 PM  
Blogger abril said...

mang ariel, next year again, hahaha!

11:48 PM  
Blogger ariel said...

ok, one daniw per year is good. that is productive, rather than having nothing. but i bet you will not do that this time around. or so i hope. tingnan natin.

12:21 AM  

Post a Comment

<< Home