Tuesday, November 08, 2005

ALDAW DAGITI AL-ALIA

Aldaw ita dagiti di katatawan ken al-alia
Ditoy nalam-ek a disso a nakaipalladawan ‘toy kararua.
Kadagiti paraangan arig kamposanto dagiti arkosda:
Adda nangisit a lungon, puraw a krus ken rurog a nakadeppa.
Anniniwan ti mangkukulam, sapot ken lawwalawa
Ti maanninawan kadagiti sarming a tawtawa.
Kadagiti nakatangep a ridaw, agbanbantay dita
Dagiti nakarungiit a kabkabanga wenno pumpkin
A nakitikitan agpagpaggaak a rupa, dumardarang dagiti matana.

Aldaw ita dagiti di katatawan ken al-alia,
Panawen daytoy dagiti nagmaskara
Kadagiti nakaal-alingget a rupa ti bruha ken vampira,
Iti sardam ti maudi a kidem ti Oktubre
Agdakiwasda kadagiti kalsada,
Sa “trick or treat” kunada iti paraangan a serkenda
Ket maiyatang ti kendi a sumra ti “trickda."

Ngem sannakon a mabutbuteng dagitoy a buya
Ta sanayakon a nakilanglangen kadagiti al-alia
Idi addaak pay laeng iti adayo a daya, inaldaw kunam sa,
Saan laeng nga arkos, wen, talaga a pudnoda,
Saanda metten nga aggigiyan kadagiti balete, dalipawen ken acacia.
Nagapondan kadagiti balay ti ili,
Linungoganda pay pasdek ti batasang pambansa;
Isu a no panawen ti eleksiyon, linaon ti balota, maal-alia;
Rangtay a di natuloy ken marmarba
Kasta met natapuk ken lasonglasong a kalsada
Amin dagitoy, aramid dagiti al-alia;
Sabali laeng met dagiti nakapatig nga aswang
Nga agsapsapul sepsependa a dara
Kadagiti palengke wenno kalkalsada,
Nasken nga agbaribarika di la ket makabatbatika a matda!


-immuna a naisurat iti Oktubre 31, 2005 ( Halloween Night)

6 Comments:

Blogger joel said...

ah, wen aduda dagita kunam nga al-alia, kabsat. nadawdawelda manen a mangted iti aliaw ita ngem idi, he he. kaaduem latta ti agsurat!

12:58 AM  
Blogger abril said...

prosaic, gayyem. pagpraktisan. diak ammo no kaanonto a makaaramid datao iti pudno a daniw.he-he-he, ala, basta agsurattayo latta, di ngamin?

3:31 AM  
Blogger mattmartinez4434 said...

I read over your blog, and i found it inquisitive, you may find My Blog interesting. My blog is just about my day to day life, as a park ranger. So please Click Here To Read My Blog

3:02 AM  
Blogger lennyfisher5124 said...

I read over your blog, and i found it inquisitive, you may find My Blog interesting. So please Click Here To Read My Blog

http://pennystockinvestment.blogspot.com

9:48 PM  
Blogger act said...

Ading Abril, paki-emailmo man kaniak ti address ken telephone numbermo idiay Surrey, British Columbia. Mapanko bisitaen dagiti kakaanakak inton second wenno third week ti Agosto. No ipalubosmo a ket pasiarenka met (:-). Daytoy ti e-mail addressko: aida.tiama@up.edu.ph.

Manangmo,

Aida

6:38 AM  
Blogger mandymartin8350068878 said...

Get any Desired College Degree, In less then 2 weeks.

Call this number now 24 hours a day 7 days a week (413) 208-3069

Get these Degrees NOW!!!

"BA", "BSc", "MA", "MSc", "MBA", "PHD",

Get everything within 2 weeks.
100% verifiable, this is a real deal

Act now you owe it to your future.

(413) 208-3069 call now 24 hours a day, 7 days a week.

5:59 PM  

Post a Comment

<< Home