Thursday, October 06, 2005

WASAY

Di agsarday a maipakpakan ti wasay
Dagiti naulpit a dadaulomi
Iti pinuon ti narra a yan ti umok ti darepdepmi.
Agpigergerkami iti tunggal layat
Agkibbayokami iti tunggal tikap;
Agalinggagetkami iti aldaw ken agpatnag
Ta ditoy tinnagenda ti ulo ti inanamami nga agbiag,
Itanemda dagiti bukod a karbengan ken arapaap
Ket dung-awanmi dagiti bukodmi a gasat
Nga impalak-am kadakami dagiti naulpit a dadaulomi
a kaarngi dagiti berdugo nga agpagpaggaak!

Ket umawerkami a kas kadagiti nabugtak a bannatiran
Inyuritmi iti law-ang ti exodosmi nga agkalkallautang.
Nasitaksitakkami a nagturong iti uppat a suli ti lubong;
Tunggal maysa sapulenna disso a pagpaknianna
Ngem dadduma pabaor ti nagur-uray kadakuada.
Silulungonda a nagsubli iti bukodmi a daga;
Idinto a di latta agsarday a mailaylayat ti wasay
Dagiti dadaulomi a mangtuang iti pinuon ti narra a nagaponanmi,
Putarenda a lungon nga agpaay kadakami!

6 Comments:

Blogger rva said...

welkam bak blaging, kabsat!

nabayagen a tagtagiurayendaka a kapanablaagmo!

4:55 AM  
Blogger abril said...

pasensiakayon, kakabsat, ta ita man laengen a nakalagip datao.

6:04 AM  
Blogger Jim Naka said...

Hi, I was just blog surfing and found you! If you are interested, go see my toy chest related site. It pretty much covers toy chest stuff. I guess you may find something of interest.

11:36 PM  
Blogger ariel said...

anian! itatta man pay a dika naibasingbasing!

10:36 PM  
Blogger abril said...

napaut, manong, a nairidep datao ngem kanayonnak latta nga agistambay dita blogyo. I enjoyed reading your novel, editorials, poems, essays and your articles. I learned a lot from them. Kastoy sa a talaga ti biag ditoy nakaipuruakantayo a disso, no maminsan di pay ammo ti kudkodenen. Isu a pasensiakayon, manong, no nabattaway ti panagiblag 'toy agsursuro pay laeng nga adingyo.

6:36 AM  
Blogger Roberto Iza Valdes said...

This comment has been removed by a blog administrator.

6:27 AM  

Post a Comment

<< Home