Tuesday, October 12, 2004

Turkey Day

Day-offko ita, isu a nagpakpakaasiak man ken ni gayyem RVA iti tulongna no kasano met ti agiblag ta mayaten ti pamsaakanen da asseng, dln ken reynald. Ket kamaudiananna, mayaten ti agiblag . Thanks, gayyem RVA.

Lepleppas a sinelebraran ti thanksgiving ditoy Canada. "Turkey Day", ti awag dagiti dadduma ta naprito, naasar, kada na-bake a pabo ti kangrunaan a saganada. Sinaludsodko kadagitay barkadak a lallakay a Canadian iti retirement home a part time jobko, no apay a pabo ti ungkelenda, saan a manok. Mayat ti sungbat 'tay maysa nga adda kabkabawnan.
"Dakdakkel, isut' makawaras no adukayo a mangan", kunana ketdin. Adda met ketdi puntosna, a. Ngem ken ni patneng nga Ilokano a naidakdak ditoy a lugar, saan a naprito a pabo ti sapulenna a sida, pinapaitan wenno kilawen a kalding (Ta adu met ti mapulpogan a kalding ditoy)!

Ngem awan man ti sagana wenno adda, ti nasken ammom nga ipeksa ti panagyamanmo iti Dios! (ituloykonto)

2 Comments:

Blogger rva said...

alla, adda manen maysa a kadua, welkam, gayyem abril!

ania la, aya, ti maimasanda iti stuffed turkey ngamin? hmmm, tradision ngamin, ania? no ngay tinola wenno adobo a pabo, madi kadi?

nagsiaaten no adu latta met ti kalding dita a makilaw, makaldereta ken mapinapaitan! mabalinyo kadi met ti aganup no kua iti ugsa dita no hunting season?

rva

2:00 AM  
Blogger asseng said...

hm, mayat man ta pabo mang abril.

ken maymayat manen ti panablaagmo, hehe

2:27 AM  

Post a Comment

<< Home